Kaixo!
Iñaki eta Andoni gara, BORDAXAKI proiektuaren sortzaileak.
Gure proiektuaren historia, 2015. urtean hasi zen, Otsagabian.
Txikitatik Iruñean bizi ginen, baina lotura handia genuen herriarekin. Familiaren parte bat Otsagabikoa genuen eta astebururo etortzen ginen.
Behin ikasketak bukatuta, lan munduan murgildu ginen eta herrian lan egiteko aukera sortu zitzaigunean, etortzea erabaki genuen.
Bertan, azkar ikusi genuen hemen lan egin nahi genuela eta bizi.
Buruari asko eragin eta gero, hainbat ondorio atera genituen: Lurrak / inguruak emandako baliabideak aprobetxatuz animaliekin estentsiboan lan egiteko aukera frogatu nahi genuela, bertako arraza batekin. Zaraitzu Ibarrean bertako produktuaren falta zegoela eta ekoizpenaren ziklo osoa eginez, ordura arte hemen ez zegoen zerbait egin genezakeela, produktu berria.
Ondorio horiek guztiak ikusita proiektuari hasiera eman genion.
Bertako arraza den Euskal Txerri batekin hasi ginen modu estentsiboan, lurrak/inguruak emandako baliabideak aprobetxatuz. Pixkanaka urdama gehiagorekin txerrikumeak sortuz, hauek hazi eta gizenduz joan ginen.
Aldi berean, bertako errezetak berreskuratzea izan zen gure helburuetako bat, modu tradizionalean egitea, gehigarririk gabe.
Urte batzuk ikasten pasa eta gero, handitzen joan ginen eta zikloa ixteko, 2023. Urtean haragia eraldatzeko obradorea eta denda ireki genuen.
Orduz geroztik BORDAXAKI izenarekin saltzen ditugu gure artisau-produktuak.
%100 Naturala
Kalitate bermatua, basotik zure mahaira
Animalien ongizatea
Gure txerriak
askatasunean bizi dira, naturaren erdian
Benetako zaporea
Errezeta tradizionalekin
egindako produktu artisauak
Tokiko produktua
Hazten, eraldatzen eta
saltzen dugu Otsagabian
Bordaxaki,
Euskal Txerria Nafarroako Pirinioetan
Bordaxakin ate irekiekin lan egiten dugu. Gure proiektua barrutik ezagutzera gonbidatu nahi zaitugu: hazkuntza, eraldaketa eta egunerokoa.
